До 2012 Скопје ќе има комплетен Акционен план кој ќе треба да даде информација за сите приоритетни проекти кои ќе се реализираат, најавија градоначалниците од Скопскиот плански регион на денешната седница.
”Иако не третираат за најразвиен од сите региони во државата, и ние имаме точки на кои мораме да работиме,“ рече Претседателот на Скопскиот плански регион, Тони Трајковски и додаде дека во развивањето на скопските општини ќе помогне Акциониот план за 2010-2012 година според Стратегијата за регионален развој на Р.Македонија.
Градоначалниците на редовната седница најавија завршно предлaгање на проекти за реализација од општините и наскоро изгласување на Акциониот план.

Градоначалниците од Скопскиот плански регион заеднички ги дефинираа приоритетните проекти за имплементација на Програмата за развој на Скопскиот плански регион за периодот 2010-1012 на работната средба која се одржа во периодот 16-17 април, 2010, во Охрид, хотел Милениум палас.

Во организација на Советот за развој на скопскиот плански регион и УСАИД Проектот за Локален – економски развој МЛГА, Градоначалникот на Општина Гази Баба Тони Трајковски, како претседател на Скопскиот плански регион, ја отвори канцеларијата на Центарот за развој на скопскиот плански регион.
Канцеларијата ќе претставува логистичка точка, преку која целиот скопски регион ќе ги имплементира своите развојни стратегии, акциони програми и проектни решенија.
На отварањето присуствуваа Градоначалниците на Скопските општини и на Скопскиот регион, како и Градоначалникот на град Скопје Коце Трајановски.
По официјалното отварање, следуваше седницата на Советот за развој на Скопскиот плански регион на која се презентираа резултатите за проценка на општествените вредности во Скопскиот регион и Нацрт – верзијата на Програмата за развој на Скопскиот плански регион.\
(Превземено од веб страницата на Општина Гази Баба)

На 26 октомви 2009 година во општина Гевгелија во организација на Центарот за развој на Југоисточниот плански регион се одржа средба помеѓу Заменик Министерот за Животна средина и просторно планирање Г-а Соња Лепиткова со градоначалниците членови на Советот за развој на Југоисточниот плански регион и раководните лица од Јавните комунални претпријатија од Југоисточниот плански регион.
На оваа средба се разговараше за идните планови на овој регион во врска со изградбата Регионалната депонија – Доброшинци.
Како гостин на средбата беше и д-р Миран Медвед експерт за отпад од Словенија. Г-а Лепиткова на присутните им ја образложи идејата за можните начини за финансирање и изградба на депонијата. Заедно со Г-н Медвед поставија задачи пред градоначалниците кои треба да се одговорат, а се со цел побрзо решавање на проблемот и побрза изградба на депонијата. Бидејќи еден од начините на финансирање со ИПА средства, изградбата на депонијата треба да се случи за неколку години, градоначалниците заклучија дека изградбата во Југоисточниот плански регион ќе биде преку концесија или јавно приватно партнерство. Г-а Лепиткова рече дека овој регион како еден од најразвиените региони во републиката ја има целата подршка од владата и истата ќе помогне во реализација на овој значаен проект не само за регионот туку и за целата држава.

Во четврток, на 30 април 2009 година, во хотелот „ Тивериопол“ – Струмица, свечено беше извршена промоција на формирањето на Центарот за развој на Југоисточниот плански регион со седиште во Струмица.
Југоисточниот плански регион го преставуваат 10-те Општини: Богданци, Босилово, Валандово, Василево, Дојран, Гевгелија, Конче, Ново Село, Радовиш и Струмица со 188 населени места и околу 172.000 жители.
Центарот е резултат на сите напори и активности за имплементација на Законот за рамномерен регионален развој во Република Македонија, после Источниот со седиште во Штип и Полошкиот во Тетово, оваа е трет од осумте плански региони во РМ што и официјално беше означен стартот на отпочнувањето со работа и реализација на поставените цели и задача.
На промоцијата присуствуваа Министерот за локална самоуправа г-дин Муса Џафери, како и голем број на гости – преставници од Министерството за локална самоуправа, Бирот за регионален развој, градоначалници, советници од општинските овети, преставници на ГТЗ РЕД, стопнаскиот и банкарскиот секторот, НВО и здруженија на граѓани, др. гости и заинтересирани субјекти од регионот и РМ.
Поздравен говор до присутните одржа г-ѓа Жулиета Ѓуркова Раководител на Центарот, потоа на присутните им се обратија г-динот Муса Џафери министер за локална самоуправа во Владата на Република Македонија, г-дин Зоран Заев градоначалник на општина Струмица и воедно Претседател на Советот за развој на Југоисточниот плански регион и г-дин Јенс Адлер, тим лидер на Програмата за регионален економски развој во РМ – ГТЗ РЕД.
До присутните гости Раководителот на Центарот г-ѓа Жулиета Ѓуркова истакна дека Југоисточниот плански регион е портата на Македонија за влез во Европската Унија, бидејки граничи со две нејзини членки, поради што заслужува подобра сообраќајна инфраструктура и огромна поддршка од страна на сите државни органи.
Таа им се заблагодари на сите присутни гости нарекувајќи ги идни партнери на Центарот во заедничко остварување на визијата на Југоисточниот регион, како би го направиле овој регион најуспешен во Република Македонија и пошироко.
Министерот г-дин Муса Џафери во дел од своето обраќање истакна дека, со отварање на Центрите за развој на планските региони и практично ќе се имплементира Законот за рамномерен регионален развој, а според позитивните искуства од земјите на ЕУ. Наскоро Владата треба да ја потврди Националната Стратегија за рамномерен економски развој, што ќе значи целосна подршка на планскиот развој на регионите.
Во своето обраќање кон присутните, Претседателот на Советот за развој на Југоисточниот плански регион г-дин Зоран Заев, градоначалник на општина Струмица, со особено задоволство ја промовира визијата – Југоисточниот регион да биде посакуван регион за живеење, инвестирање и носител на сопствениот развој.
Политиката на регионалниот развој на Југоисточниот плански регион е систем на цели, инструменти и мерки насочени кон намалување на региопналниот диспаритет и оставарување на рамномерен регионален и одржлив развој, како и подигнување на квалитетот на животот на сите граѓани во регионот.
Г-дин Јенс Адлер, тим лидер на Програмата за регионален економски развој во РМ – ГТЗ РЕД, истакна дека само со донесување на правилни и недвосмислени програми и одлуки за рамномерен регионален развој може да се постигне поставената цел.
На промоцијата беа истакнати главните приоритети на локалниот и регионалниот економски развој, особено во развојот на земјоделството, инфраструктура, животната средина, туризмот и други области од значење за одржливиот економски развој.