Skip to content

Форум за личен развој

ДАТУМ

декември 23, 2015

Категории

На ден 16.12.2015 година, на Скопскиот саем се одржа „Форум за личен развој“, во организација на Бизнис центарот на Скопскиот плански регион, Општина Аеродром и Асоцијацијата за истражување, комуникации и развој „Паблик“.

На програмата можеа да се проследат три презентации од двајца реномирани експерти за личен развој, и тоа од Џад Долфин и Катерина Ангеловска.

Американскиот експерт за организациски развој, Џад Долфин, вниманието на присутните го насочи кон тоа како правилно да го менаџираат своето време, како и „мапирање“ на мозокот, кое е всушност алатка со која можат да се зголемат сопствените способности за решавање на проблемите, а со тоа да се движиме напред.

 

Катерина Ангеловска, сертифициран тренер за принципи за успех по методот на Џек Кенфилд, чијашто визија е „успех без граници“, истакна дека луѓето треба да се трудат да бидат најдобра верзија од себе, да ја пронајдат големината и моќта во себе, како и да живеат живот во хармонија со љубов и радост. 

„Сѐ што ни се случува во животот е судбина која ние самите ја креираме и сѐ е онака како што треба да биде. Успехот не значи што имаш, успехот значи како се чувствуваш, како се чувствуваш сега и овде и дека со копнежот по одредена мисија, тоа ќе го постигнеме“, посочи таа.

Со презентациите се тежнееше кон тоа на присутните да им се зголеми самодовербата и вербата во сопствениот внатрешен глас, полесно да се соочат со секојдневните предизвици и да ги препознаат и реализираат своите амбиции, цели, соништа.

Споделeте:

Share on email
Email
Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on telegram
Telegram

No comment yet, add your voice below!


Add a Comment

Вашата адреса за е-пошта нема да биде објавена. Задолжителните полиња се означени со *

I accept the Privacy Policy