Завршена реализација на проектот,,Изградба на потпорни ѕидови и плоча од 100 метри преку делумно уредување и покривање на каналот во село Синѓелиќ, Општина Гази Баба -I фаза”

Центарот за развој на Скопски плански регион заврши со реализација на проектот,,Изградба на потпорни ѕидови и плоча од 100 метри преку делумно уредување и покривање на каналот во село Синѓелиќ, Општина Гази Баба -I фаза” кој е во партнество со општините Гази Баба и Арачиново.

Проектот се однесува на изградба на потпорни ѕидови и плоча за уредување и покривање на каналот во село Синѓелиќ кој е целосно во функција на граѓаните корисници на објектот.

Со реализација на проектот се овозможи уредување и регулирање на дел од каналската мрежа во регионот,  заштита на водните ресурси и почвата, намалување на ризиците за штети што ги имаат жителите на целиот регион, и со самото тоа се отвораат нови можности за изградба на плоштад, модерна автобуска постојка како и паркови за рекреација.

Вредноста на проектот изнестува 5.458.720,00 денари. Средствата ги обезбеди Бирото за регионален развој /Министерство за локална самоуправа и Општина  Гази Баба.