Обука за Стратешко планирање

На ден 04.12.2012 год (среда) во просториите на Скопски саем се одржа обука за Стратешко планирање на локално ниво, организирана од страна на Министерството за локална самоуправа и Центарот за развој на Скопскиот плански регион.
Обуката беше официјално отворена од страна на г-дин Сашо Лазаровски, Заменик Министер за локална самоуправа кој воедно нагласи дека ваков тип на обука ќе се одржи во сите 8 плански региони, а почнуваат со Скопскиот плански регион.На обуката учество земаа претставници од ЛЕР секторот од сите општини во Скопскиот плански регион.
Предавачи на обуката беа г-ѓа Љиљана Костич, г-ин Зоран Милков, г-ин Сали Сали и г-ѓа Јагода Србиновска од Влада на Република Македонија, Генерален секретаријат одел Сектор за стратегија, планирање и следење. На обуката се анализираше постојаната состојба (каде сме), а каде сакаме да бидеме (планирање и иднина). Се дискутираше за стратешките приоритет и Стратешките цели, потоа се разгледуваше подготвувањето на проекти (видови на проекти, фаза на подготвување, остварливост и буџетирање на проектите).