На 28.12.2020 , Центарот за развој на Скопски плански регион , ја одржа последната 4-та форумска сесија на која претставниците на општините, невладините и граѓански асоцијаци и здруженија учествуваа на презентацијата и дискусијата за резултатите од спроведување на втор циклус Регионални Форуми, чиј фокус беше „Социјална инклузија“.
Спроведувањето на Регионалните форуми овозможи партиципативно  учество на граѓаните во одредување на приоритети во Скопскиот плански регион, како и создавање на платформа за структуирани дискусии и предлози. Истите допринесоа и до унапредување на капацитетите и создавање на локални и регионални партнерства, а сѐ со цел за подобрување на животот на луѓето во заедницата.
На сесијата модераторот, Жаклина Цветковска, ги презентираше активностите кои беа превземени за време на форумскиот процес, целите на програмата „Регионалните форуми во заедницата“, како и резултатите од идентификацијата и изборот на предлог проектите кои произлегоа од форумскиот процес.
г-ѓа Розета Арсовска, Координаторот на проектот, при Центарот за развој на Скопски плански регион (ЦРСПР), ги информираше учесниците за напорите кои ги прави Центрот на СПР за обезбедување на можности преку други донатори и/ или програми да се овозможи реализација на  избраните проекти, бидејќи ниту еден предлог-проект не доби поддршка за рализација во рамките на проектот “Регионални форуми на заедницата“.
Како пример, г-от Брнимир Јовановски, претставник на Национален Совет на лица со телесен инвалидитет, посочи дека со помош на ЦРСПР нивниот предлог-проект „Реконструкција на одмаралиште за лица со попреченост во Охрид “  аплицираше преку Центарот за развој на Југозападен регион, а г-ѓа Катерина Киева, претставник од општината Гази Баба извести дека нивниот предлог-проект „Изградба на дневен центар за лица со интелектуална и телесна попреченост во Скопски плански регион“ – аплицираше преку Центарот за развој на Скопски плански регион, за финансиски средства од Програмата за рамномерен регионален развој за 2021 на Министерството за локална самоуправа и Бирото за регионален развој (МЛС/БРР).
Регионалните форуми во заедницата се спроведуваат со поддршка на Министерството за локална самоуправа и Швајцарската агенција за развој и соработка во рамките на проектот„Одржлив и инклузивен рамномерен регионален развој 2017-2020“.
[foogallery id=”7946″]

Центарот за развој на Скопски плански регион успешно го  реализира проектот – набавка “Транспортно средство – камион за миење на улиците на Општина Студеничани”. На ден 14.12.2020 Раководителот на ЦРСПР, г-дин Љупчо Кец Мицковски, официјално го предаде транспортното возило на  Градоначалникот на Општина Студеничани г-дин Азем Садики.
Со транспортното возило – камион ќе се одржува хигиената на јавните површини во Општина Студеничани и ќе им  се овозможи на населението безбедно да се движат во локалниот сообраќај во разни временски неприлики.
Проектот набавка на “Транспортно возило- камион за миење на улиците на Општина Студеничани, се реализираше со финансиски средства од Бирото за регионален развој на Р. С. Македонија и Министерството за локална самоуправа на Р. С. Македонија, во вредност од 4.366.500 денари.
[foogallery id=”7855″]

На ден 14.12.2020 година со почеток во 12ч. се одржа ХХ (дваесеттата) онлајн Седница на Советот за развој на Скопски плански регион.
Седницата се одвиваше согласно дневниот ред:

1. Усвојување на Дневен ред на Седницата.
2. Усвојување на записник од XIX (деветнаесетта) Седница на Совет за развој на Скопски плански регион.
3. Предлог – Одлука за утврдување на приоритетна листа на проекти за аплицирање до МЛС/Биро за регионален развој
4. Информација за странска инвестиција во врска со склучен Меморандум за соработка помеѓу ЦРСПР и МАТТО.
5. Предлог – Одлука за носење на внатрешни документи, процедури и политики
   1. Кодекс на етика
   2. Политика за спречување перење пари и финансирање на тероризам
   3. Политика за нула толеранција за измама
   4. Политика за еднакви можности
   5. Политика за спречување на корупција и судир на интереси
   6. Политика за животна средина и социјални аспекти
   7. Процедура за спроведување на јавни набавки

6. Информација за Програмата за развој на Скопски плански регион 2020/2024.
7. Одлука за преотстапување на објект:,,Спорт за сите, здравје за сите!-Изградба на иновативно мултифункционално игралиште во Општина Сарај, с.Кодново”
8. Разно.

На седницата присуствуваа градоначалниците од Скопскиот регион, г-дин Шахпас Молалиев, МАТТО и претставник од компанијата УЛКЕР ОКЕАН, г-дин Дарко Трајковски.
[foogallery id=”7876″]