Со средства обезбедени од Центарот за развој на Скопски плански регион се реконструира улицата „Рилски Конгрес“ Локалитет Тасино Чешмиче во делот на Општина Центар

Од денеска, започнува реконструкцијата на коловозот на улицата „Рилски Конгрес“ Локалитет Тасино Чешмиче во делот на Општина Центар. Реконструкцијата на улицата следи откако на истата е утврдено значително оштетување на завршниот асфалтен слој.
Согласно Програмата за рамномерен регионален развој за 2019 година донесена од Владата Република Северна Македонија доделени се средства за финансирање на Скопскиот плански плански регион во вкупен износ од 20.789,773 денари. Центарот за развој на Скопски плански регион во момнетов работи на дванаесет проекти меѓу кој е и проектот „Реконструкција на улицата „Рилски Конгрес“  Локалитет Тасино Чешмиче во делот на Општина Центар за кој се издвоени средства во износ од 4.679.302 денари.
„Рилски Конгрес во својата постојна состојба е со оштетен завршен слој од асфалт, а на одредени делови оштетувањето е толку големо што го оневозможува нормалното одвивање на сообраќајот и ја загрозува безбедноста на возачите и пешаците. Токму поради тоа, започнуваме со реконструкција на улицата која во основа подразбира замена на постоечкиот завршен асфалтен слој. Проектот за реконструкција го опфаќа потегот од крстосниците со улица „Ѓорѓи Скрижевски“ од една страна до крстосницата со улица “Црниче“ од друга страна, односно делот од улицата кој се наоѓа на територија на Општина Центар.
Реконструкцијата на улицата е предвидена да заврши во рок од една недела,  по што оваа улица треба да го даде соодветното ниво за безбедно одвивање на моторниот и пешачкиот сообраќај.
Времетраењето на овој проект согласно договорот со економскиот опретаор е 6о (шеесет) денови од денот на потпишување на договот.
[foogallery id=”6378″]