Презентација на вториот проект за подобрување на општинските услови од Светска Банка

Центарот за развој на Скопски плански регион во соработка со Светска банка и Министерство за финасии на 14.10.2016 година одржаа информативен настан за вториот проект за подобрување на општинските услови. На настанот присуствуваа дел од градоначалниците како и претставници од седумнаесетте општини во рамките на Скопскиот плански регион.  Презентацијата за грантовите и кредитните линии и нивните поволности, ја спроведе г-ѓа Љубица Патлиџанковска, Претставник од Светска Банка во Македонија.
Раководителот на Центарот за развој на Скопскиот плански регион, г-ѓа Розета Арсовска, при воведното обраќање, истакна дека настанот е со цел да се надминат нејаснотиите при подготовката на проектните и техничките документации како и да се надминат грешките за кои што најчесто се има забелешка од  евалуационите комисии при Светска Банка.
Во тек е и вториот повик за заеми  за подобрување на општинските услуги. Повиците се објавени на веб страната на Министерство за финансии, Министерство за локална самоуправа, Здружението на единиците на локалната самоуправа- ЗЕЛС и веб страните на Регионалните центри за развој на планските региони.
За таа цел, претставникот од Светска Банка, г-ѓа Патлиџанковска направи генерализација на проблемите со кои се соочуваат при разгледување на апликациите од општините, сместувајќи ги во неколку  категории: проблеми со техничката документација, каде најчесто се соочуваат со стара документација, проблеми поврзани со имотно правните прашања, каде се појавуваат проблеми со сопственоста, проблеми со подготовката на физибилити студија и постапките на набавка како и проблеми поврзани со имплементацијата, кои се поврзани со градежните зафати, вклучувајќи го и мониторнигот.
Во изминатиот период 58 општини биле вклучени во рамките на претходните повици со реализирани вкупно 70 проекти.
Можност за аплицирање има секоја општина која  ги исполнува критериумите за заем.