Започнаа проектните активностите за изработка на Стратегија за развој на туризмот во Скопскиот плански регион

Проектот е финансиран преку билатералната меѓународна развојна помош од Р. Словенија наменета за земјите во развој, а го реализира Центарот за развој на Скопскиот плански регион во соработка со Регионалната развојна Агенција Козјанско, Р. Словенија.
Денес се одржа првиот состанок на Проектниот одбор кој го сочинуваат претставници од: општините и Градот Скопје од Скопскиот регион, Агенција за поддршка и промоција на туризмот на Македонија, ХОТАМ, Министерство за економија (сектор за туризам), како и Стопанска комора за турзам на Македонија.
На одржаниот состанок се утврдија временската рамка за реализација на идните активности, односно изработката на стратешкиот документ и оперативниот план (кој ќе вклучува препорака за конкретни развојни проекти од областа на туризмот и туристичката инфраструктура до 2014 год), одржувањето на јавен форум и тркалезна маса.
Стратегијата за развој на туризам се изработува од страна на консултантската фирма „Инцептум“ Р. Словенија, со административна и стручна поддршка од страна на „Хуманополус“ во Македонија.
[foogallery id=”5594″]