Бирото за регионален развој во работна посета кај Центарот за развој на Скопски плански регион

Денеска во Центарот за развој на Скопски плански регион беше одржана конструктивна работна посета од страна на Бирото за регионален развој, како една од закажаните средби со 8-те плански региони во државата со цел да се увиди нивната состојба со идните планови и активности чиј фокус е регионалниот развој. Со Вд. Директорот на бирото Г-дин Амет Имери во придружба со претставниците од неговиот тим, се дискутираше за регионалната слика и предизвиците кои им претстојат на планските региони со цел да се повлечат иницијативи и да се изнајдат решенија за нивната подобра функционалност, која е во директна врска со нивното финансирање. На состанокот се разгледуваа можностите за реализација на планираните проекти и новите тековни влијанија кои се рефлектираат на центрите за развој, со заклучок дека потребна е дискусија на повисоко ниво со матичното министерство Министерство за локална самоуправа и владата, со цел подобро да се структурираат во заедничката работа на регионалниот развој.