Втора сесија на Регионални форуми на заедницата

Центарот за развој на Скопски плански регион, во рамките на проектот “Одржлив и инклузивен рамномерен регионален развој –II фаза“, кој го реализираат Министерството за локална самоуправа и Швајцарската агенција за развој и соработка, денес ја одржа втората сесија на Регионални форуми на заедницата каде се даде приоретизација на предлог проектите за финансирање од Бирото за регионален развој – Министерство за локална самоуправа. Концептите од листата на предлог проекти беа приоретизирани по следниот редослед:

1. До-рехабилитација на постоен локален пат, населба Хиподром кон Илинден и Петровец ( 1.9 км)  – Општина Гази Баба
2. Инвестиција во фотоволтаици, енергетска ефикасност, заштита на човекова околина – Општина Кисела Вода
3. Подобрување на туристичката сигнализација и инфраструктура во Скопски Плански Регион преку поставување туристичка сигнализација и партерно уредување со улично осветлување на локалитет Градиште, с.Таор – Општина Зелениково
4. Инвестиција во фотоволтаици, енергетска ефикасност, заштита на човекова околина, и смарт табли за едукација на деца – Општина Чучер Сандево
5. Инвестиција во фотоволтаици, енергетска ефикасност, заштита на човекова околина – Општина Шуто Оризари
6. Подобрување на туристичка инфраструктура за заштита на културни споменици (културно наследство) во стара Чаршија – СААТ КУЛА (пристапни улици) – Општина Чаир
7. Инвестиција во возила за одвоз на отпад и канти за смет – Општина Арачиново.

Во периодот кој следи сите овие концепти ќе бидат презентирани и приоретирзани пред советот за развој на Скопски плански регион.