Денес В.Д. директорот на Центар за развој на Скопски плански регион г-ѓа Розета Арсовска, заедно со министерот за Лоакална самоуправа, г-дин Ристо Пенов свечено потпишаа Договор за реализација на инвестициски проект со дигитална компонента од Грантова шема на проект ,,Одржлив и инклузивен рамномерен регионален развој” – II фаза кој е поддржан од страна на Министерство за локална самоуправа и Швајцарска агенција за развој и соработка.
Се работи за проектот ‘’Приказната Продолжува’’ кој ќе биде реалииран во општина Ѓорче Петров, а ќе има бенефит целиот Скопски регион и пошироко. Овој проект има за цел да го подобри квалитетот на животот на децата на школска возраст во РСМакедонија и регионот кои преживеале канцер преку одржливи инвестиции во инфраструктура и во услови за нега и рехабилитација, кои се единствен системски предуслов за унапредување на животниот квалитет кај оваа социјално исклучена категорија. Центарот е креиран како место каде на секое дете на кое му е потребна рехабилитација по борбата со канцер, ќе му биде обезбедена грижа, преофесионалност и едукација. Во Центарот ќе престојуваат деца со еден родител кој што ќе биде дел од рехабилитациониот период. Од клучно значење е на семејствата кои се соочуваат со таков проблем, да им се обезбедат алатки и информации што ќе им овозможат да ги задржат своите деца активни и заинтересирани. Центарот ќе презема иницијатива да ја зголеми семејната свест за важноста на вежбањето за време на закрепнувањето.
Вкупната вредност на проектот изнесува 23.574.074,00 денари, од кои 8.435.000,00 денари се обезбедени од страна на Швајцарска агенција за развој и соработка, 10.380.998,00 денари се обезбедени од страна на Министертсво за локална самоуправа и 4.758.076,00 се обезбедени од страна на Општина Ѓорче Петров.
Активностите за овој проект предвидено е да започнат во 2023 година.
Завршен проектот ,,Изградба на пешачка патека во с. Петровец, траса по пат Р1102
No comment yet, add your voice below!