ВМРЕЖУВАЧКИ САЕМ „ОПШТИНСКО ПАРТНЕРСТВО ЗА ОДРЖЛИВ РАЗВОЈ, ВО РАМКИ НА ПРОЕКТОТ „ЕУ ЗА ОПШТИНИТЕ“

ВМРЕЖУВАЧКИ САЕМ „ОПШТИНСКО ПАРТНЕРСТВО ЗА ОДРЖЛИВ РАЗВОЈ, ВО РАМКИ НА ПРОЕКТОТ „ЕУ ЗА ОПШТИНИТЕ“   Денеска Центарот за развој на Скопски плански регион присуствуваше на тематскиот саем „Municipal Partnership For Sustainable Development“ – „Општинско партнерство за одржлив развој“, организиран во рамки на проектот „ЕУ за Општините“.   Целта на саемот беше вмрежување, создавање партнерства, размена на искуства, практики и идеи преку разговор со презентерите на опфатените претставништа од владиниот, граѓанскиот, приватниот сектор, кои се вклучени во развојот на мобилноста, туризмот, инфраструктурата преку иновативни модели со опфат на сите регионални развојни карактеристики. На саемот беа споделени информации за новите повици, а присустните од целните групи се повразаа со делегациите од Германија и Грција  воспоставувајќи иницијативи за нови партнерства и проекти, преку користење на домашната поддршка (helpdesk) за менаџирање со ЕУ (ко-)финансирани проекти.   Саемот кој беше отворен со воведен збор од страна на  Министерот за локална самоуправа, г-дин Златко Перински и Раководителот на програмата на EU4M, г-дин Енцо Дамијани од Делегација на ЕУ во Северна Македонија, овозможува идни меѓународни пријателства и партнерста меѓу институциите, општините, регионите и промоторите од листата на изложувачи како: EU4M Helpdesk, EIT Urban Mobility; Вело Струмица; Smart Solutions Veles; DMO Povardarie; Град Едеса (ГР); Округ Енепе-Рур (ГЕР); Град Гронау (ГЕР); како и SKEW Bonn (имплементатор за соработка на Северна Рајна Вестфалија со МК).