Центарот за развој на Скопски плански регион, спроведува успешна реализација на уште еден значаен проект од низата проекти кои произлегуваат од Програмата за развој на планските региони, со наслов ,,Инвестиција во Фотоволтаици, енергетска ефикасност, заштита на човековата средина, Општина Кисела Вода”. По тој повод Центарот за развој на Скопски плански регион, раководен од вд директорката Розета Арсовска и Градоначалникот на Општина Кисела Вода, Орце Ѓорѓиевски, во својство на прв партнер од конзорциумот партнерстава кои на проектот му даваат регионален карактер, востановија транспарентен увид на поставувањето на фотоволтаичните системи.
Динамиката на поставувањето на фотоволтаиците, почна од првото училиште ООУ „Партенија Зографски“, а ќе се спроведува на сите училишта опфатени во рамки на 3 -те општини кои се партнери во проектот Кисела Вода, Карпош и Зелоениково.
Станува збор за проект кој се вклучува во развојната синергија која последниве години е фокусирана на унапредување на енергетската ефикасност и одржливиот развој на регионално ниво, пред се поради користење на обновливите извори на енергија како и зачувување на животната средина. Имплементацијата на проектот беше поддржана со обраќање на министерката за образование и наука, Г-ѓа Весна Јаневска, која се заблагодари за континураното водење грижа за условите во кои што се одвива воспитно образовниот процес, посебно потенцирајќи ги заложбите во делот на енергетска ефикасност.
Станува збор за проект кој ќе разултира со ефикасност и ефективност, од економски и амбиентален аспект, во насока на спроведувањето на зелената агенда од локално и регионално, до глобално ниво, согласно актуелните предизвици во светот.
Проектот е финансиран од страна на Биро за регионален развој-Министерство за локална самоуправа, а во својство на ко-финансиери, финансиска поддршка обезбедува, општината Кисела Вода.
No comment yet, add your voice below!