Раководителот на Центарот за развој на Скопски плански регион, г-дин Љупчо Кец Мицковски одржа информативен состанок со Градоначалникот на Општина Петровец г-дин Борче Митевски. Се разговараше за потребите и работата на општината, за меѓусебната соработка со Центарот за развој на Скопски плански регион, за идни и постоечки проекти кои обезбедуваат можности до поголем развој на општината.
МИНИСТЕРСТВО ЗА ЛОКАЛНА САМОУПРАВА – Дејан Павлески, Заменик министер
Одржан состанок помеѓу Рководителот на Центарот за развој на Скопски плански регион, г-дин Љупчо Кец Мицковски и заменик- министерот на министертсвото за локална самоуправа, г-дин Дејан Павелски. Тема на дискусија беа повеќе точки поврзани со работењето на центарот и тоа: проектите кои се започнати според Прогамата за регионален развој за 2018 година, тековните проекти кои се дел од Програмата за регионален развој за 2019 година, проекти со кој Центарот за развој на Скопски плански регион аплицираше во Агенцијата за финансиска поддршка во земјоделието и руралниот развој со мерките ПРР 321,322,323, проекти кои се аплицирани преку Програмата за капитални субвенции за развој на планскире региони во областа на земјоделството и руралниот развој при Министертсвото за земјоделство, шумарство и водостопанство, повикот за прекугранична соработка со Република Србија, соработката со оштините и сл.
Во посета на Општина Карпош
Во посета на Општина Карпош, Рководителот на ЦРСПР г-дин Љупчо Кец Мицковски одржа состанок со Градоначалникот на општината г-дин Стефан Богоев. Состанокот беше од информативен карактер за моменталната состојба на Центарот за развој на Скопски плански регион, начинот на неговото работење и проектите кои се имплементираат преку него, околу начинот на распредлба на средствата по региони од страна на Министерството залокална самоуправа.
Во изминатиот период Центарот за развој на Скопски плански регион имаше добра соработка со секторот ЛЕР. Последен проект кој е изработен од страна на центарот во соработка со општината е проектот “Програма за мезометеоролошки мерења во Скопска котлина и нејзина реализација” во 2013година.
Нов проект на Центарот за развој на Скопскиот плански регион „Одржлив и инклузивен рамномерен регионален развој“
Состанок: Розета Арсовска, Жаклина Цветковска
Центарот за развој на Скопскиот плански регион ги започна подготовките за спроведување на проектот „Одржлив и инклузивен рамномерен регионален развој“, што се реализира со финансиска поддршка од Швајцарската агенција за развој и соработка и Министерството за локална самоуправа.
Целта на проектот е да се зајакнат капацитетите за имплементација на регионални проекти, во насока на искористување на средства од расположивите европски и меѓународни фондови, особено што со процесот на ЕУ интеграцијата на нашата земја, се очекува и нивниот обем значително да се зголеми.
Одржан состанок помеѓу Раководителот на Центарот за развој на Скопски плански регион г-дин Љупчо Кец Мицковски и Раководителот на сектор за одржлив развој и инвестиции, г-ѓа Каја Шукова
Одржан состанок помеѓу Раководителот на Центарот за развој на Скопски плански регион г-дин Љупчо Кец Мицковски и Раководителот на сектор за одржлив развој и инвестиции, г-ѓа Каја Шукова. Секторот за одржлив развој и инвестиции е сектор во рамките на Министерството за животна средина и просторно планирање, надлежен за креирање и спроведување на политики за одржлив развој, животна средина и климатски промени, како и подготовка и спроведување на Програмата за инвестирање во животната средина и капитални инвестиции од областа животна средина. Одржливиот развој е развој што ги задоволува потребите на сегашните генерации без да ја загрози можноста идните генерации да ги задоволуваат своите потреби. Одржливиот развој е развој кој е социјално одговорен и правичен, прифатлив за животната средина и кој се потпира врз основните постулати на граѓанското општество.
Во насока на подобрување на животната средина, на Центарот за развој на Скопски плански регион во 2018 година му беа одобрени средства за намена на проектот “Воспоставување на систем за управување со отпад од пакување, отпадни батерии и електронски отпад“, кој се спроведе во три општини. Исходот од спроведувањето на проектот е позитивен, постигнато е планираното и очекуваното. Предмет на разговор беа можностите на центарот како носител и општините како партнери во искористување на с-вата кои се предвидени во програмите кои следат.
Македонија има сериозен предизвик во поглед на правилно искористување на расположливите финансиски ресурси при усогласувањето со соодветните барања од доменот на животната средина.
{gallery}novosti/2019/2019.01.16:::0:0{/gallery}
Одржан состанок помеѓу Раководителот на Центарот за развој на Скопски плански регион г-дин Љупчо Кец Мицковски и Раководителот на сектор за отпад, г-ѓа Aна Мазнева Каранфиловска
Одржан состанок помеѓу Раководителот на Центарот за развој на Скопски плански регион г-дин Љупчо Кец Мицковски и Раководителот на сектор за отпад, г-ѓа Aна Мазнева Каранфиловска. Секторот за управување со отпад ги остварува целите и приоритетите во делот на отпадот, што произлегуваат од стратешките и плански документи, учествува во процесот на целосно транспонирање на правото на ЕУ во националното законодавство, но и на локалано ниво и обезбедува висок степен на интегрирано управување со отпадот во Република Македонија, истакна г-ѓа Каранфиловска.
Во посета на општина Сопиште
Во посета на општина Сопиште, Раководителот на Центарот за развој на Скопски плански регион, г-дин Љупчо Кец Мицковски оствари средба со Градоначалникот на општината г-дин Стефче Трпковски. Целта на состанокот беше соработката на центарот и општините. Предмет на дискусија беа и потребите на Општина Сопиште како дел од единиците на локалната самоуправа. Сопиште е една од руралните општини во Скопскиот регион и има потреби од секаков вид на проекти. Во изминатите години преку Центарот за развој на Скопски плански регион во партнерство со општината аплицирани се повеќе проекти. Повикот за прекугранична соработка со Република Србија е во исчекување, каде постои можност за соработка како партнери.
Во посета на општина Центар
Одржана информативна средба помеѓу Раководителот на Центарот за развој на Скопски плански регион, г-дин Љупчо Кец Мицковски и Градоначалникот на Општина Центар, г-дин Саша Богдановиќ. Цел на средбата беше информација за моменталните активности на Центарот за развој на Скопски плански регион. Преку програмата за регионален развој за 2019 година, Центарот за развој на Скопски плански регион во соработка со општина Центар аплицираше во Бирото за регионален развој / Министерство за локална самоуправа со проектот “Реконструкција на коловоз на ул. Рилски Конгрес, Локалитет Тасино Чешмиче”. Покрај Општина Центар, партнери во проектот се и Општина Кисела Вода и градот Скопје.
Во посета на општина Чаир
Раководителот на Центарот за развој на Скопски плански регион, г-дин Љупчо Кец Мицковски одржа информативен состанок со Градоначалникот на Општина Чаир Висар Ганиу. Разговарано беше за повеќе актуелни прашања во врска со стратегиите кои ги изготвува центарот, како и стратегиите кои произлегуваат од општината и се однесуваат за општината. Проектите кои ги спроведува Центарот за развој на Скопски плански регион се од значаен придонес за сите општини кои го опфаќаат Скопскиот регион. Општината Чаир може да се пофали со старата Скопска чаршија како објект, која е од особено значење за целиот регион од економски, туристички, регионален, национален аспект.
Одржан состанок помеѓу Раководителот на Центарот за развој на Скопски плански регион г-дин Љупчо Кец Мицковски и г-ѓа Славица Јакимовска, Раководител на сектор за рамномерен регионален развој
Во просториите на Министертсвото за локална самоуправа одржан е состанок со Раководителот на Центарот за развој на Скопски плански регион г-дин Љупчо Кец Мицковски и г-ѓа Славица Јакимовска, Раководител на сектор за рамномерен регионален развој.
Политиката на рамномерниот регионален развој е систем на цели, инструменти и мерки насочени кон намалување на регионалните диспаритети и остварување на рамномерен и одржлив развој на Република Македонија. Преку процес на идентификација, поттикнување, управување и искористување на развојните потенцијали на планските региони и подрачјата со специфични развојни потреби, целта е да се обезбеди интегрален развој на државата и подигнување на квалитетот на живеење, со создавање на услови за воедначен пристап до јавните услуги. Согледувајќи ги придобивките од регионалната политика на Европската Унија, воспоставен е систем на мерки и инструменти, кој што кореспондира со европските стандарди и создава предуслови за поефикасно користење на средствата од фондовите на Унијата.